Hans Jón Thomsen er settur sum varaskúlastjóri í Skúlanum við Løgmannabreyt Frá 1. august 2009 er Hans Jón Thomsen, Tórshavn, settur sum varaskúlastjóri í Skúlanum við Løgmannabreyt.
Hans Jón er 35 ára gamal. Hann tók læraraprógv á Aalborg Seminarium í 1998 og hevur nomið sær eftirútbúgvin í leiðslu og ráðgeving.
Hann hevur arbeitt sum lærari og ráðgevi í Føroyum og í Danmark m.a. á bústovnum fyri børn og ung við sálarligum og sosialum trupulleikum.
Síðan 2006 hevur Hans Jón Thomsen verið leiðari á NSR-tænastuni á Glyvrum.
