Men tað eydnaðist altso ikki, tí flokkurin er átta atkvøður aftan fyri sjeynda plássið hjá Javnaðarflokkinum. Tað vil siga, at hevði Framsókn havt níggju atkvøður fleiri, so hevði Halla Samuelsen á sjeynda plássi hjá Javnaðarflokkinum fallið, og so hevði Ruth Vang verið vald fyri Framsókn.
Tað má vera hugstkoytt hjá einum nýggjum flokki at kunna staðfesta, at innanhýsis stríð og ósemja í einum spildurnýggjum flokki er orøskin til, at tað miseydnaðist hjá flokkinum rættiliga at gróðurseta seg í høvuðsstaðnum.
Sum eygleiðarar kunnu vit bara staðfesta, at hevði Poul Micehlsen fingið sín vilja við at stilla Janus Rein upp, so hevði flokkurin komið í Tórshavnar býráð. Ella um Poul Michelsen tók sama stig sum Jenis av Rana og sum floksformaður stillaði upp, so hevði Framsókn eisini fingið umboð.
Við øðrum orðum kunnu vit staðfesta, at tapið hjá Framsókn er sjálvgjørt – eitt sjálvmál...
