Tað var spenningur í botnuppgerðini á Argjum um vikuskiftið, tá EB/Streymur var á vitjan. Bæði liðini høvdu nógv brúk fyri stigunum. Tí kom tað væl við hjá Sigfríði S. Clementsen, venjari hjá EB/Streymi, at hansara menn fingu mál til 2-1 fimm minuttir fyri tíð.
Gleðin var so stór, at venjarin fekk eina fipurspreinging, tá hann í gleðisrúsi leyp uppfrá. Hann segði aftaná í samrøðu við Televarpið, at hann føldi beinanvegin at hann fekk eina fipurspreinging.
Tað fór kring allan fótbótsheimin, tá Jurgen Klopp, venjari hjá Liverpool, kom í somu støðu í farna kappingarári. Spurningurin er nú hvussu leingi Sigfríður S. Clementsen er skaddur? EB/Streymur og AB møtast aftur í komandi umfari.
##med2##
| # | Lið | D | V | J | T | MF | MÍ | MM | Stig | |
|---|---|---|---|---|---|---|---|---|---|---|
| 1 | KÍ | 17 | 16 | 0 | 1 | 45 | 10 | 35 | 48 | |
| 2 | HB | 18 | 13 | 2 | 3 | 49 | 12 | 37 | 41 | |
| 3 | B36 | 18 | 13 | 1 | 4 | 40 | 17 | 23 | 40 | |
| 4 | Víkingur | 18 | 10 | 3 | 5 | 39 | 19 | 20 | 33 | |
| 5 | 07 Vestur | 18 | 9 | 2 | 7 | 32 | 29 | 3 | 29 | |
| 6 | EB/S | 17 | 5 | 1 | 11 | 15 | 32 | -17 | 16 | |
| 7 | TB | 18 | 4 | 3 | 11 | 12 | 41 | -29 | 15 | |
| 8 | B68 | 18 | 3 | 5 | 10 | 19 | 34 | -15 | 14 | |
| 9 | ÍF | 18 | 4 | 0 | 14 | 17 | 47 | -30 | 12 | |
| 10 | AB | 18 | 3 | 1 | 14 | 13 | 40 | -27 | 10 |
