Í løtuni eru fimm partrolarapør til fiskiskap á landgrunninum. Skipini fáa mest av upsa og nakað av hvítfiski.
- Eitt partrolarapar er á Íslandsrygginum, og teir fáa mest av toski, vita tey á Fiskamarknaði Føroya at siga.
Fýra djúpvatnstrolarar eru á Íslandsrygginum og fiska tosk. Teir fáa eisini nakað av blálongu og svartkalva.
- Tveir djúpvatnstrolarar koma inn at landa í vikuni, og hinir koma inn seinni.
Um teir smáu trolbátarnar siga tey á Fiskamarknaði Føroya í dag, at teir hava allir verið á Skeivabanka.
- Teir fiska eftir havtasku og fáa eisini nakað av toski, hvítingi, longu og upsa.
Lagt verður aftrat um trolbátarnar, at fiskiskapurin er smáligur, men allir koma inn at landa í vikuni.
At enda eru trý garnaskip til fiskiskap eftir svartkalva.
- Skipini hava brúkiligan fiskiskap, og væntandi koma øll inn at landa í vikuni, siga tey á Fiskamarknaði Føroya.
