Í Mentanarvikuni verður søluframsýning í Gamla Handli í Heiðunum frá 28. oktober til 4. november
Alsamt fleiri koyra tálgina, hornini og skinnini burtur. Tí hava Elin Lindenskov, Eva úr Dímun og Eydna Gaard tikið stig til at samla teirra tilfar saman til eina framsýning í Gamla Handli í Heiðunum.
Elin Lindenskov sýnir fram livandi ljós og sápur gjørdar úr tálg, Eva úr Dímun vísir garvaði seyðaskinn úr Dímun og Eydna Gaard vísir smúkkur, lampur og aðrar prýðislutir úr hornum og kleyvum.
Framsýngin á Mentanarvikuni í Heiðunum er opin í døgunum 28. oktober til 4. november soleiðis:
Sunnudag 15-19, mánadag, hósdag og fríggjadag 16-19, týsdag 13-19, leygardag 14-18
