Hvar verða jólini hildin í ár?
- Jólini verða hildin í Skopun og í Syðrugøtu, og eg gleðist um, at hetta fer at verða ómakaleyst í ár.
Tað sigur Randarsól Kristiansdóttir.
Hvat verður á borðinum jólaaftan?
- Jólaaftan eta vit dunnu.
Hevur tú eitt jólaynski?
- Mítt jólaynski er, at ósek menniskju, ið eru fangað, har kríggj ræður, fáa frið – at tey fáa eitt virðiligt lív og somu rættindi, sum vit taka sum eina sjálvfylgju.
Hvønn týdning hava jólini fyri teg?
- Fyri meg hava jólini stóran týdning. Umframt jólaboðskapin, er hetta eisini tíðin, har eg serliga gleðist um tað, eg havi at vera takksom fyri.
Randarsól Kristiansdóttir sigur, at hon í ár hevur serliga nógv at vera takksom fyri.
