Coronavirusið hevur av álvara sett síni spor kring heimin, og ítrótturin er eisini hart raktur. Í gjár boðaði italska ítróttarsambandið frá, at allur ítróttur er avlýstur ella útsettur. Tað gongur millum annað útyvir Seriu A, sum er besta deildin í Italia.
Higartil hevur verið spælt fyri afturlatnum hurðum, men nú er allur fótbóltur útsettur til 3. apríl. Italia er hart rakt av coronavirusinum og stórir partar av Norðuritalia eru í sóttarhaldi.
Í gjár og í dag eru komnar meldingar um, at pengasterkasta fótbóltskappingin fyri lið í heiminum, Champions League, eisini setur tiltøk í verk. Í annaðkvøld verður seinna 1/8 finalan millum franska Paris Saint Germain og týska Borussia Dortmund. Dysturin verður spældur undan áskoðarar. Somuleiðis verður dysturin í konandi viku millum katalanska FC Barcelona og italska Napoli spælir uttan áskoðarar.
Føroyskur fótbóltur er eisini raktur. 1. umfar í Betri deildini monnum er útsett til komandi vikuskiftið. Christian F. Andreasen, forseti í Fótbóltssambandinum, segði við FM1 seinnapartin í gjár, at tað verður fótbóltur komandi sunnudag.
