Serfrøðingar, Karamellur & Trivnaður

Johan Mortensen, valevni hjá Tjóðveldi
-----

Og tað verður jabbað og tosað um hvi fólk ikki støð­ast her og at alt er so dýrt. Nýggjasta er at nú skal setast ein yvir­betaltur føroyskur ser­frøðingabólkur sum skal fáa útlendskar ser­frøðingar hendavegin at kanna hvi ongin vil verða her ! Oh My God !
Tú nýtist ikki at vera serfrøðingur fyri at síggja at vit føroyingar eru við at kvalast av al­mennum gjøldum so at alt, alt, er so ókristiliga dýrt samanborið við onnur lond. Eitt dømi :
Til jóla keypa flestu før­oyingar Cad­bury Street Kara­mell­ir, hugna­ligar og væl­smakk­andi, men kanska ikki so væl­­smakk­­andi tá ein hygg­ur eftir rokni­stykk­in­um :
Fyri hvørja dós verða áløgd hesi almennu av­gjøld :

(ymisk
avgjøld) ............. Kr 39,50
Mvg ca .............. Kr 25,00
Kr 64,50

Áðrenn SMS og heilsølur kunnu hugsa um nakran vinning, skulu almenna Før­oyar fyrst hava kr 64,50 per dós í sín part! Sama dós kostar umleið kr 30,- í útsølu í Shetlandi! Í okkara granna­londum er lítið og onki MVG á føðivørum, vit hava sjálvandi fult MVG á øllum matvørum – so hvussu skulu barna­familjur kunna støðast her í Tórshavn ?
Samanber við hvat tú fært fyri kr 100 í Netto í Keypmannahavn og so í SMS.
Latum okkum rudda upp í avgjalds­frum­skóg­inum her á landi.
Lægri kommunu­skatt, lægri MVG, lægri av­gjøld, so verður livi­lig­ari í Tórshavn.