Bólkarnir, ið kappaðust í gjárkvøldið vóru: deiDei, Ása Helena Brynjarsdóttir, Nimbus Tópus, Eimyrja og Adrenaline at
Tað var ein hárfín grensa millum bólkarnar, og dómararnir høvdu eina torføra uppgávu, men tá alt kom til alt, so vóru tað Nimbus Tópus og Eimyrja sum komu víðari.
Grundgevingin hjá dómarunum var, at image’ið hjá Nimbus Tópus var gjøgnumført. Tað var ein trygg og sikkur framførsla. Ein tann besta konsertin, sum ein av dómarunum nakrantíð hevur hoyrt á Sement. Tey megnaðu at hypnotisera fjøldina og hevði fjøldina í síni hulu hond.
Grundgevingin fyri, at Eimyrja kom víðari var, at bólkurin visti, hvat hann vildi. Tað var stílreint og tað var kelað fyri detaljunum. Teir vóru væl samanspældir og dugdi væl at upptraðka. Tað, at teir dyrkaðu tað so nógv gjørdi, at vit eisini dyrkaðu tað.
Farna vikuskiftið komu Aggrasoppar og Tórmóður víðari frá fyrstu innleiðandi kappingini.
Triðja undanumfar verður næsta leygarkvøld, og tá vita vit, hvørjir seks bólkar eru í finaluni.
