Ein dómstólur í Etiopia hevur dømt landsins fyrrverandi forseta og einaræðisharra Mengitsu Haile Marian sekan í fólkamorði, og sambært etiopiskari lóg kann hann fáa deyðarevsing. Mengitsu møtti ikki sjálvur í rættinum. Hann býr í Zimbabwe, og stjórnin har hevur sýtt fyri at útflýggja hann. Tvørturímóti býr Mengitsu í einum marglætishúsum, sum zimbabwiska stjórnin hevur latið honum. Mengitsu Haile Marian tók valdið í Etiopa í 1974, og hann stýrdi landinum við harðari hond líka til 1991, tá hann bleiv koyrdur frá. Meiri enn 70 av hansara gomlu medarbeiðarum eru eisini drignir fyri rættin.
