- Flestu línuskip eru til fiskiskap. Trý ísfiskalínuskip eru undir Íslandi, men tað er ivasamt, um nakað av hesum landar í vikuni sum kemur.
Á Fiskamarknaði Føroya vita tey at siga, at ísfiskalínuskipini, sum fiska undir Íslandi, fáa eina blanding av toski, hýsu, longu og brosmu. Trý frystilínuskip fiska eisini í íslendskum sjógvi.
- Undir Føroyum eru eisini fleiri línuskip. Tey fáa mest av toski og hýsu, og væntandi koma eitt ella tvey skip inn at landa mánadagin - og so nøkur seinni í vikuni.
Um útlitini til útróður, vita tey á Fiskamarknaði Føroya at siga, at streymurin verður góður, men harðnar, sum næsta vika gongur.
- Veðrið verður gott, serliga fyrst í vikuni, og tí vænta vit nógvan útróður fyrst í næstu viku.
Lagt verður aftrat, at útróðrarbátarnir fáa mest av toski, men væntandi er, at meira verður at fáa av hýsu, sum vikurnar ganga.
