Trý ísfiskalínuskip og eitt frystilínuskip eru til fiskiskap í grønlendskum sjógvi. Skipini, sum fáa mest av toski, koma neyvan heim at landa í vikuni sum kemur.
Á Fiskamarknaði Føroya vita tey í dag at siga, at tvey ísfiskalínuskip fiska í íslendskum sjógvi. Tey eru nýliga byrjaði túr, og tey koma neyvan heldur heim at landa í næstu viku.
- Tvey línuskip eru til fiskiskap undir Føroyum. Annað landar væntandi miðskeiðis í næstu viku, men hitt skipið landar neyvan fyrr enn í aðru viku. Skipini undir Føroyum fáa mest av longu.
Sagt verður, at eitt línuskip fiskar á Reykjanesrygginum, og tað skipið kemur væntandi inn at landa miðskeiðis í næstu viku.
- Streymurin verður brúkiligur, og veðrið verður eisini gott. Umstøður skuldu tískil verið til útróður. Men, hetta er vánalig fiskitíð hjá útróðrabátunum, verður lagt aftrat.
