Seks fólk doyðu, og sjey fingu skaða, tá ein lastbilur koyrdi út av vegnum uttan fyri Rotterdam í gjárkvøldi og koyrdi inn í eina urtagarðsveitslu.
Tað váttar hollendska løgreglan fyri sjónvarpsstøðini NOS.
Áður var upplýst, at vanlukkan kravdi minst tvey mannalív.
Ein av teimum skaddu sigst vera í lívsvanda.
Vanlukkan var í býnum Zuidzijdedijk í útsynningspartinum av Hollandi um 18 tíðina í gjárkvøldið.
Bilførarin var ein 46 ára gamal maður úr Spania. Hann hevði ikki drukkið, men verður kannaður sum tann seki í vanlukkuni.
Tað eru eingi tekin um, at vanlukkan hevur nakað við yvirgang at gera.
/ritzau/
