- Vit hava drigið 51 stampar og hava umleið 13000 pund ella 6,5 tons. Tað er væl brúkiligur fiskiskapur, hóast tað er langt at fara út á Bankan, tí vit hava verið burtur í 37 tímar. Tað sigur Gaurab, sum er skipari, við Facebook-vangan hjá Føroysku Sjómansmissiónini.
- Fiskiskapurin er tó hugaligur, tí vit hava 5700 kilo av stórum toski, sum vit kalla toskur eitt. Restin er longa, hýsa, brosma og skøta, sigur hann.
Veðrið hevur verið gott á túrinum, og tað hevur gingist væl, so tað er deiligt, leggur Gaurab aftrat.
Føroyska Sjómansmissiónin, sum eisini eigur viðheftu myndir, ynskir teimum og sjófólkinum annars Guds signing og varðveitslu.
##med2##
##med3##
