Danska Eurovision-luttakarin, Rani Petersen úr Havn, alias Reiley, nektar hjartað framman fyri fleiri hundrað milliónum hyggjarum, tá hann fer á pallin í altjóða melodigrandprix.
Hann fer at kappast við lagnum »Breaking My Heart«, sum er sera persónligur.
– Tað eri eg, sum siga søgu mína um nakað, sum ikki var so gott í lívi mínum. Tað er ein poppsangur, sum snýr seg um eitt eiturelvt kærleikssamband, sigur Reiley.
– Eitt forhold, sum ikki var gott fyri meg, men har eg alsamt kom aftur. Sum teksturin sigur: Eg eri ikki bangin fyri at elska, men eg eri bangin fyri at bróta hjarta mítt.
Dapri teksturin skal endurspegla lívsins eyðkenni, greiðir Reiley frá.
Í veruleikanum vónar sangarin, at fólk gerast í góðum lag av »Breaking My Heart«.
– Tað er tað, sum eg haldi, at lívið snýr seg um: at fáa tað besta úr støðuni. Tað er tað, sum er tað týdningarmesta fyri meg, sigur Reiley.
– Eg havi eisini upplivað líknandi síðani »Breaking My Heart«. Men tað er jú tað, sum ger kærleikan serligan. Tað er váðin, og tað er tí, at kærleikin hevur týdning, tí vit kunnu veruliga særast og gerast vónbrotin.
Reiley hevur ikki mist trúnna upp á kærleikan – ella trúnna upp á at vinna hjørtu hyggjaranna í ársins altjóða Eurovision sangkapping.
Her skal føroyska TikTok-stjørnan royna at vinna Danmark pláss í fyrstu finaluni í Eurovision síðani 2019.
– Eg eri 100 prosent til reiðar. Eg skal í finaluna. Tað skal eg 100 prosent, sigur danska Eurovision-vónin.
– Eg vóni, at fólk, sum hoyra sangin, kunnu kenna seg aftur í honum.
##med2##
37 tjóðir kappast um at vinna Eurovision. Men pláss er bara til 26 lond í stóru finaluni leygarkvøldið, og tey skulu vinna sær pláss í tveimum hálvfinalum.
Fyrra hálvfinalan var í gjárkvøldið, og har ruku stórfavorittarnir úr Finnlandi og Svøríki víðari.
Í seinnu hálvfinaluni skal Reiley kappast ímóti eitt nú Grikkalandi, sum eisini hevur reyðhvítar geislar yvir sær. Grikski luttakarin, Victor Verinicos, er sonur eina grikska mammu og ein danskan pápa.
Spania, Bretland, Frankaríki, Týskland og Italia hava frammanundan vissað sær pláss í finaluni, tá tey gjalda størsta partin av kappingini. Og so hava vinnararnir frá seinasta ári, hesaferð Ukraina, eisini vissað sær pláss.
Hálvfinalan og finalan verður send á DR1 og samsend í sjónvarpinum hjá Kringvarpinum.
/ritzau/
