Av løgmansskrivstovuni siga tey:
» ? Í seinastuni hava samgongufundirnir í Tinganesi fingið stóra umrøðu í fjølmiðlunum grundað á viðmerkingar frá tingmanni.
Orsakað av at hetta regluliga er endurgivið í fjølmiðlunum seinastu dagarnar, varð málið viðgjørt á politiskum landsstýrisfundi mánadagin tann 20. oktober 1997 og seinni sama dag á fundi í lítlu samgongu
Boðað verður frá, at á fundunum varð staðfest, at skipanin við samgongufundum hevur fulla undirtøku í landsstýrinum. Lítla samgonga tók somuleiðis undir við landsstýrinum í hesum máli.
Sagt verður frá hesum.«
Tingmaðurin, sipað verður til, er uttan iva formaður Sambandsfloksins á tingi.
Ein óváttað kelda sigur við Sosialin, at málið eisini hevur verið fyri á hægsta stað í Sambandsflokkinum, og at Atli Hansen er átalaður fyri at fara í fjølmiðlarnar við innanhýsisviðurskiftum.
