Kjartan Joensen:
“Men lat okkum ikki fara á glatís í hesum her og hava ta virðing fyri samkyndum – vissi tey finnast. Eg havi hóast alt livað í 59 ár. Eg kenni ikki hesi samkyndu, heilt erligt talt, tey er so avmarkað sum eru og vissi tey eru, so fáa tey sanniliga frið. Tað er ongin orsøk at gera serligar karmar”
Alfred Olsen:
“Tey kristnu eru somuleiðis vard av grein 266 b, men eru nøkur menniskju háðað og niðurgjørd í kjakinum um samkynd, so eru tað tey kristnu í Føroyum í dag”
John Johannesen:
“Vit eru eitt happingarsamfelag burtur av, fáa vit hetta her inn í revsilógina, at tað ikki er loyvt at niðurgera samkynd, so hava vit í øllum førum signalerað sum samfelag, at vit góðtaka ikki, at tey fólkini verða niðurgjørd”
Poul Michelsen:
“Eg kann enda við at siga tað, at eg eri heilt hundrað prosent sikkur upp á tað, at eg eri ikki ein millimetur longur burtur frá várharra via hesa støðutakan. Tað er mín sannføring”
Gerhard:
“Hetta er kanska meiri tað, at man vil fylgja einum modernaðum ráki og siga, at hini gera hetta og so skulu vit eisini samtykkja hetta her”
Jenis av Rana:
“Ongastaðni í heiminum hava tey homoseksuellu tað so gott sum í Føroyum”
Óli Breckmann:
“Lat okkum fáa Føroya fólk at úttala seg. Vilja tey hava skrá sett parlag? Vilja tey kirkjuliga- ella aðra vígslu av samkyndum? Og vilja tey hava ættleiðing, og kuntstiga ísáðing, tá ið tað er komið til tað fjórða stigi í hesi glíðibreytini. Og so kundi eg hugsað mær, at fólkið bleiv spurt ein spurning aftrat. Høvdu tygum vilja verið føddur ella ættleiddur í einum samkyndum hjúnalag?
Marjus Dam:
“Og eg haldi, at løgmaður í staðin fyri at biðja føroyingar, um at beiggja knø og samtykkja hesa paragraffina, átti at henvent seg til danska pressu, alla heimspressuna og sagt: Tit hava misskilt nakað. Í Føroyum forfylgja vit ikki samkymdum.”
