Næstan níggju ár eftir at Saddam Hussein bleiv rikin frá valdinum í Irak, er tann seinasti amerikanski hermaðurin farin úr landinum. Tað hendi í nátt, tá umleið 100 hernaðarakfør við 500 hermonnum fóru um markið til Kuwait.
Eitt skifti hevði USA 170.000 hermenn á umleið 500 herstøðum í Irak.
Kríggið í Irak hevur kostað amerikanska ríkiskassanum meiri enn 6.000 milliardir krónur, og 4.500 amerikanskir hermenn hava latið lív har síðani innrásina í 2003.
