Tey seinastu árini hevur hann verið alt meir at sæð. Í dag er hann ein heilt vanligur partur av býarmyndini ? kanska serliga í Havn. Hetta kemst kanska serliga av tí, at ung frá 16 ára aldri hava loyvi at koyra hann.
Skutarin ger tað møguligt hjá ungum at koma til støð, ið ikki liggja í nærumhvørvinum, uttan at vera bundin at t.d. foreldrum við bili. Ógvuliga nógv tíð er at spara við at nýta skutaran. Tú kanst koma og fara, sum tær lystir, og hetta ger teg óheftan ella frælsan?.
Ein vanligur, nýggjur skutari kostar umleið 20.000 kr, hevur uml. 5 hk og koyrir eini 50-60 km/t. Tað kann ikki sigast at vera ov lítil ferð, tá hugsað verður um, at hann mest verður nýttur til at koyra inni í býnum, har mest loyvda ferðin er 50 km/t. Tað er tí náttúrligt av okkum at halda, at skutarar ikki koyra ólógliga, tá vit dagliga síggja teir ferðast við ferðslustreyminum í b?num. Men um vit halda ta?, fara vit skeiv. Lógin sigur, at ein skutari bert kann koyra 30 km/t. Um hann hevur møguleika at koyra skjótari enn hetta, er hann ólógligur.
Tað er løgið at hugsa sær, at ein ?óvitandi" unglingi, sum hevur keypt sær ein skutara og fingið koyrikortið, sum loyvir honum at koyra hann, hóast alt kann verða tikin av politinum, fáa eina bót fyri at koyra ein ólógligan skutara og verða noyddur at ganga heim, av tí at politiið hevur tikið skutaran. Drongurin fær hann tó aftur. Hann er sum so eisini heilskapaður, burtursæð frá tí, at ein lítil lutur er tikin burtur, og at motorurin kemur sum eitt samlisett? í einum posa. Hetta má drongurin gjalda fyri at fáa 'samlað'.
Allar flestu skutararnir, sum ung koyra á, um ikki allir, kunnu koyra meir enn 30 km/t og eru tí ólógligir. Um politiið hevði tikið allar, so hevði trupulleikin við lógarbrotunum verið loystur. Men hetta er av ymsum orsøkum ógjørligt. Heldur ikki burdu vit hækkað ferðarhámarkið, so at skutararnir eru lógligir? tí tað er væl skilligt. Koyriførleikarni hjá 16 ára gomlum eru verri enn teir hjá bilførarunum, og tey eiga tí ikki at hava loyvi at koyra eins skjótt og teir.
Tað, sum undrar meg mest viðvíkjandi ólógligum skutarum, er, at skutarar, sum koyra skjótari, enn tey ungu hava loyvi at koyra, verða seldir temum ungu. Teimum, sum selja skutararnar, kunnu vit ikki steðga, tí vit kunnu lata vera við at keypa teir, um vit ikki vilja hava teir. Vit hava ábyrgdina. Men er tað nú trygt at geva 16 ára gomlum slíka ábyrgd? Vilja dreingir ikki koyra so skjótt sum gjørligt, uttan at teir hugsa um fylgjurnar?
Bjarni
