Russland er ein stór flogbóltstjóð, og har hava tey glett seg stórliga til HM-endaspælið í flogbólti sum skuldi avgreiðast í Russlandi í august og í september í ár.
Men tað verður nú av ongum.
Altjóða flogbóltssambandinum, FIVB hevur nú boðað frá, at tey hava tikið vertsskapin frá Russlandi, og HM-endaspælið verður avgreitt í einum øðrum landi.
Givna orsøkin er innrásin hjá russiska herinum í Ukraina.
