- Um tað eydnast Vladimir Putin at taka Ukraina, steðgar hann ikki her.
Tað segði amerikanski forsetin, Joe Biden, fyrr í hesum mánaðinum sambært tíðindastovuni, Reuters.
Amerikanski forsetin legði aftrat, at tað næsta hjá russiska forsetanum verður at leypa á eitt Nato-land.
Sambært Joe Biden verður úrslitið, at amerikanskar herdeildir fara í kríggj móti russiskum herdeildum.
Men, í dag rópar russiski forsetin hesar útsagnir hjá amerikanska forsetanum fyri møsn - ella "pølsevæv", sum hann tekur til.
Sambært Reuters afturvísir Valdimir Putin hesum útsagnum uppá tað harðasta.
- Russland hevur als ongan áhuga fyri einum kríggi við Nato, sigur russiski forsetin avgjørdur.
