Spreingingar dundraðu í Darnyrskyj forstaðnum í ukrainska høvuðsstaðnum Kyiv í morgun. Sambært fronsku tíðindastovuni AFP lupu russarar á eina vápnaverksmiðju við langtrøkkandi rakett.
Í gjár bumbaðu russarar Vizar verksmiðjuna í Kyiv, sum verður søgt at framleiða loftverndarvápn og rakettir.
Russiska verjumálaráðið sigur sambært Ritzau, at Russland fer at økja um álopini á Kyiv, eftir at ukrainar hava lopið á mál í Russlandi.
Samstundis sum russarar hava lopið á vápnaverksmiðjur, hava USA og onnur vesturlendsk lond avgjørt av senda fleiri vápn til Ukraina.
Russarar hava ávarað USA um at gera hetta, tí tað kann fáa álvarsamar avleiðingar fyri altjóða trygd.
Nú hava týskarar játtað at brúka góðar sjey milliardir krónur til at veita Ukraina hernaðarligan stuðul.
