Sagt verður úr Ukraina, at russiskar herdeildir skulu hava kringsett ukrainska býin, Bakhmut, og roynt verður nú at taka ræðið á motorvegnum, sum knýtir býin til ein annan nærliggjandi bý, Cjasov Yar.
Hetta veit tíðindastovan, Reuters, at siga í morgun.
- Bakhmut er kringsettur, og okkara herdeildir taka seg nú saman um býin. Stríðið um eftirlitið við motorvegnum er í gongd, siga russiskar keldur sambært Reuters, sum tó leggur aftrat, at tíðindini eru ikki váttað av óheftum keldum.
Russar siga, at teir hava eftirlitið á fleiri støðum kring Bakhmut, har russiskar herdeildir og leiguhermenn hjá Wagner-deildini hava verið í hørðum bardøgum við ukrainskar herdeildir í fleiri mánaðir.
