Mikukvøldið 14. Desember verður Ársins jólakonsert í Vesturkirkjuni. Allur peningurin fer óskerdur til Í menniskjum góður tokki.
Átakið Í menniskjum góður tokki hevur verið nógv at hoyrt seinastu tíðina. Runt landið savna føroyingar inn pening til tey, ið eru illa stødd á jólum.
Næsta liðið í hesari innsavningarherferðini er jólakonsertin í Vesturkirkjuni, har fleiri kend nøvn luttaka.
Á skránni eru framførslur frá TOS, Martin Joensen, Jens Marna Hansen, Evu, Maluni & Noomi, Lenu Andersen og Tarira.
Konsertin er ókeypis, og savnað verður inn til Í menniskjum góður tokki.
Fyrireikarar siga, at longu nú hava yvir 100 familjur søkt um hjálp frá Í menniskjum góður tokki, og alt, sum kemur inn, fer óskert til tær familjur, sum hava tørv á jólahjálp.
Les meira á takk.fo
