Fangar
Árni Joensen:
Í seinastuni hevur ljóðað, at fleiri av fangunum, sum amerikanarar fluttu úr Afghanistan til herstøðina Guantanamo á Kuba, hava roynt at taka lívið av sær, og fyrradagin váttaði amerikanska verjumálaráðið tíðindini.
Í váttanini stendur, at fimm av fangunum hava roynt at taka lívið av sær seinastu tríggjar vikurnar, og at verjumálaráðið hevur biðið læknar og sálarfrøðingar tryggja, at menninir ikki gera sær sjálvum skaða.
Ein talskvinna hjá verjumálaráðnum váttar, at síðani fangarnir komu til Guantanamo fyri einum góðum ári síðani, hava 15 sjálvmorðsroyndir verið.
Umleið 625 fangar úr umleið 40 londum eru í Guantanamo.
