– Eg kundi jú gott steindoyð. Um fiskakassin ikki var har, hevði eg kunnað farið direkta í havið.
Soleiðis sigur hósvíkingurin Richard Olsen, sum eitt illveðurskvøld í desember kom illa fyri umborð á garnaskipi á Sandoyarbanka.
Meðan hann arbeiddi á dekkinum bleiv krappsjógvað.
– Eg varnist tað ikki ordiliga beinanvegin. Knappliga síggi eg bara, at ein stór alda brestur ímóti skipinum, so eitt kraftigt rykk kemur í skipið. Bresturin var grúiligur, og eg missi so takið og detti afturav.
Men hann bleiv bjargaður av einum fiskakassa, sum stóð á dekkinum.
Í nýggja blaðnum "Vikuskifti", sum er eitt innlegg í Vikuskiftis Sosialinum, greiðir Richard Olsen frá dramatisku hendingini. Blaðið fæst til keyps í handlunum kring landið, og eisini ber til at lesa á netinum, um tú hevur hald til Sosialin.
