Russiski uttanríkisráðharrin, Sergej Lavrov, sigur, at revsitiltøkini, sum vesturheimurin hevur sett í verk ímóti Russlandi, fara at gera landið sterkari.
- Vit fara at yvirliva hesi tiltøk, men vit hava mist alt álit á vesturheimin, sigur uttanríkisráðharrin sambært Reuters.
Síðan Russland leyp á Ukraina, hevur vesturheimurin sett strong tiltøk í verk ímóti landinum, og tiltøkini hava eitt nú rakt russiska búskapin meint.
- Tað eru mong, sum ikki vilja akta boð frá "Uncle Sam". Vit lata ikki dyrnar aftur vestur eftir, men tey lata dyrnar aftur fyri okkum, sigur Sergej Lavrov.
