Tað er avdúkað fyri løtu síðani, at tað eru brennistøðirnar á Hjalla og Hagaleiti, ið fáa kærleikskúluna.
Hugnaløtan í Listaskálanum byrjaði við, at forkvinnan í Dugna, Kristina Toftegaard Larsen bjóðaði vælkomin, og síðani hugleiddi Marita Rasmussen, stjóri í Vinnuhúsinum um rúmliga arbeiðsmarknaðin.
Síðani varð listamaðurin, sum hevur mynda kærleikskúluna í ár, avdúkaður. Hesin er Edward Fuglø.
So var túrurin komin til Karin Kjølbro, forkvinnu í nevndini fyri Dugna, sum avdúkaði, hvør fekk kærleikaskúlina í ár.
Tað vóru tær báðar brennistøðirnar, tann á Hjalla og IRF í Leirvík, ið fingu fyrstu kærleikskúlurnar í ár. Sum grundgeving nevndi Karin Kjølbro, at endurnýtslurnar hjá brennistøðunum skaptu arbeiðspláss til nógv fólk við skerdum førleika.
Kærleikskúlan verður at fáa til keyps fram til Tollaksmessudag.
