Rannvá Olsen hevði nógv at fegnast um ígjár.
Samstundis sum hon kundi fegnast um, at bygdakvinnurnar í Vestmanna vunnu seg í Faxe Kondi steypafinaluna við samlaðum 49-48 hálvfinalusigri á Neistanum, so vann Rannvá saman við liðfeløgunum í Ejstrup/Hærvejen annan dystin á rað í næstbestu donsku hondbóltsdeildini.
Ejstrup/Hærvejen vann á útivølli 29-27 á Aarhus. Í steðginum var Ejstrup/Hærvejen á odda 16-15. Rannvá skoraði tvey mál.
Talan var um annan sigurin á rað hjá Rannvá og liðfeløgunum, ið nú eru tvey stig røttumegin niðurflytingarstrikuna. Ejstrup/Hærvejen er nummar átta í deildini við 13 stigum.
