Fult umfar er í effodeildini í kvøld, og Rás2 ger aftur nógv burturúr
Hilmar Jan Hansen og Tróndur Arge siga frá dystunum: AB-B36, sum byrjar klokkan 18, og frá ÍF-NSÍ, sum byrjar klokkan 18.30. Fylgt verður við gongdini í hinum dystunum, sum eru TB-HB, Skála-KÍ, og B68-Víkingur. Aftaná dystarlok verða samrøður, sum Hilmar Jan Hansen, Tróndur Arge og Heri Simonsen gera við umboð fyri ymisku liðini.
Sendingin byrjar við upptakt klokkan 17.25. Til ber at lurta á www.midlar.fo, á FM 88,7, FM 95,9 og á FM 98,7.
Til ber eisini at fylgja dystunum á in.fo. Ljóðsamrøður, samanumtøkur og myndir koma út á in.fo í kvøld.
