Eitt lítið privatflogfar við fýra fólkum umborð er í kvøld umleið klokkan 19:45 lokala tíð dottið niður í Eystrasalti uttan fyri lettiska býin Ventspils.
Tað skrivar svenska Aftonbladet.
Loftferðslumyndugleikarnir mistu sambandið við flogfarið fyrr um kvøldið.
Tað skuldi verið lent í Köln í Týsklandi. Tað helt tó fram og fleyg framvið týska býnum, gjøgnum svenskt loftrúm og datt at enda niður í Eystrasalti.
Jagaraflogfør úr Danmark og Týsklandi vóru á flog at kanna støðuna. Tey søgdu, at tey sóu ongan í stýrhúsinum.
Umleið klokkan 19.30 var flogfarið í umleið 10.000 metra hædd. Síðani fór tað skjótt at miss hædd.
Dátur frá flogeftirlitssíðuni Flightradar vísa, at flogfarið fleyg í beinari linju úr økinum við Köln,
til tað var uttan fyri Ventspils. Har fór tað at flúgva í klingur, til tað datt niður í havið.
Tað vóru eftir øllum at døma fýra fólk við flogfarinum.
Sambært Flightradar er flogfarið farið úr Jerez í syðra parti av Spania.
Talan var um eitt Cessna 551, sum var skrásett í Eysturríki, skrivar TT.
Svenska tíðindastovan hevur tosað við flogtrygdarserfrøðing, sum metir, at trykkið í kabinuni kann vera fallið. Tað kann hava ført við sær, at fólkini umborð hava mist vitið.
– Av onkrari orsøk hevur tann lufttætta kabina likið, sigur flogtrygdarserfrøðingurin Hans Kjäll frá Nordic Safety Analysis Group.
– Í hasari hæddini, sum sjálvt hesi lítlu flogfør flúgva í – umleið 10.000 metra hædd, er ógvuliga lítið av ilt. Tú missir vitið upp á 30 sekund, sigur hann.
Norska blaðið VG skrivar, at svenska sjóverjarn klokkan 20.09 upplýsir, at hon hevur funnið olju og vraklutir í økinum, har flogfarið skal vera dottið niður.
– Flogfari er dottið niður. Møguleikin fyri at finna fólk á lívi er sera lítil, sigur Lars Antonsson frá Sø- og Flyredningscentralen við Aftonbladet.
Einki er sagt alment um orsøkina til vanlukkuna. Heldur ikki eru upplýsingar um samleikan hjá fólkunum umborð.
/ritzau/
