TRÝST á PÍLIN undir MYNDINI, og hoyr samrøðuna Hilmar Jan Hansen gjørdi við Palla Joensen, fyrrverandi venjara hjá Neista-kvinnum á Rás2. Hetta var beint áðrenn onnur FM-finalan hjá kvinnum millum Kyndil og Neistan fór í gongd.
Palli var sakligur, men erligur. Hann hevur nógv gott at bera neistafólkum, men hann er ikki nøgdur við arbeiðið hjá stuðulsbólkinum, sum varðar av besta kvinnuliðnum hjá Neistanum. Palli sigur seg enn ikki at hava fingið at vita veruligu orsøkirnar hví hann var koyrdur út á eitt síðuspor. Hann vildi heldur enn gjarna staðið á odda fyri neistakvinnurnar í FM-finalunum, men hann sigur seg ikki kunna livað við tí misáliti, sum er framt ímóti honum av nøkrum fáum fólkum í Neistanum. Hann kendi seg degrideraðan. Men hann ynskir neistakvinnunum alt tað besta, og vónar tær fáa gull í dag, og heldur seg eiga ein lut í tí, um neistakvinnur fáa gull í dag.
Men Palli verður ikki venjari hjá Neistanum aftur. - Blátt er gott, men ikki bara gott, staðfestir Palli Joensen, sum var ein legenda sum spælari hjá VÌF , og varð við í teimum gyltu C-HM døgunum hjá føroyska landsliðnum, seinast í 1970-unum, og fyrst í 1980-unum.
