Eitt skriðulop í Levanger kommunu í Noregi rakti leygardagin bæði ein veg og eina jarnbreyt, og ein persónur er saknaður.
Tað upplýsir norska tíðindastovan NTB.
Skriðan tók eisini ein bil í vatnið, og fólk eru flutt úr tveimum heimum. Bilførarin á bilinum er sendur á sjúkrahús í Levanger.
Kannað verður, um ein annar bilur kann vera endaður í vatninum.
- Talan er um eitt stórt skriðulop, sigur átaksleiðarin Ellen Maria Brende í politidistriktinum í Trøndelag.
Løgreglan boðaði frá hendingini, sum var nærhendis Nesvatnet í Levanger, stutt fyri klokkan níggju leygarmorgunin. Levanger kommuna liggur í útnyrðing úr Tróndheimi.
Skriðan gongur tvørtur um bæði nýggja og gamla E6-vegin, umframt eina jarnbreytina nærhendis. Vegurin verður væntandi stongdur í fleiri dagar.
- Í løtuni er talan um ein persón, sum greiða ikki er fingin á enn, sigur Brende.
Heitt verður á fólk um at halda seg burtur frá økinum.
Bjargingarleiðari á Høvuðsbjargingarmiðstøðini Johan Mannsåker sigur, at vandi er fyri fleiri skriðulopum.
- Talan er um skriðulop, møguliga leir. Men orsøkin til skriðulopið er ógreið, sigur hann.
Hetta slagið av leiri, sum er at finna fleiri staðni í Noregi. Undir ávísum umstøðum kann tað gerast flótandi.
Sambært lokalblaðnum Innherred hevur sjúkrahúsið í Levanger sett ávaringina og kallað eyka starvsfólk inn.
Eisini verður sagt, at starvsfólk eru á veg fleiri staðni frá at hjálpa til í sjálvum økinum við millum annað við at flyta fólk burtur, at tryggja økið og at leita eftir saknaðum persónum.
Ritzau/NTB
