Studentagarðurin, sum hevur verið heimið hjá túsundtals føroyingum, fyllur í dag 40 ár.
Flestu føroyingar hava hoyrt um Øresundskollegie, og nógvir føroyingar hava eisini eina ørgrynnu av minnum hagani.
Eisini í dag búgva fleiri hundrað føroyingar á Oyrasundi, og 40 ára dagurin hjá studentagarðinum verður í dag hátíðarhildin.
Tiltøk hava verið síðani kl. 10 í morgun, tá ið dagurin byrjaði við morgunmati til allar íbúgvarar.
Síðani hevur stand-up skemt, barnatiltøk og tónleikur verið á skránni, og kvøldið endar við, at livandi tónleikur og DJ-show verður at hoyra.
Sum verða man taka stigtakarar eisini hædd fyri, at meginparturin av íbúgvunum eru føroyingar, og tí er eisini okkurt serligt til føroyingarnir á skránni.
Áhugaði kunnu leita sær á heimasíðuna hjá studentagarðinum oek.dk, og síggja skránna.
