ODDAGREIN: Tá skúlaleiðslan dumpar

Tað var ikki virðiligt, at næm­ingar – sum fleiri av teimum fyri fyrstu ferð skuldu til nakað, ið lík­ist eini próvtøku, soleiðis skuldu hald­ast fyri gjøldur.
Tað er ikki tí, at tey í Ment­a­mála­ráð­num ikki vóru ávarað framm­an­und­an, tí tað vóru tey. Ella sum Elsa Bir­gitta Petersen, skúlastjóri í Hvalbiar skúla, sig­ur við blaðið í dag:
– Eg dugi ikki at skilja, at allar landsroyndirnar skuldu fara fram í tal­gild­um formi. Tí tá skipanin bleiv roynd­ar­koyrd fleiri ferðir áðu­r, rigg­aði hon ongantíð soleiðis, sum hon átti. Lærarafelagið vísti á, at man átti at bíða við at hava all­ar lands­royn­di­rnar í talgildum formi, men tað bleiv ikki lurtað eftir, og tí haldi eg, at fleiri lærarar nú onk­urs­vegna hava hug at flenna eftir Ment­a­málaráðnum, sigur Elsa Bir­gitta Petersen, sum er skúlastjóri í Hval­biar Skúla.
Tað er ikki gott, at næmingar og lær­arar soleiðis verða hildin fyri gjøld­ur, og tað er als ikki gott, at fleiri lærarar hava huga at flenna eft­ir Mentamálaráðnum.
Her áttu ábyrgdarpersónar at hava stungið fingurin í jørðina og steðga, meðan tíð var. Tað var ikki neyð­ugt at útseta næmingarnar fyri slíkum ábyrgdarloysi úr hægsta skúl­a­stað í landinum.
Tað er einki at ivast í, at tað er gott við talgildum próvtøkutilfari. Tað lætt­ir nógv um í skúlaskipanini – og tað lættir eisini um hjá næm­ing­um at kunna síggja úrslitið bein­an­vegin. Men her átti Ment­a­mál­a­ráðið ikki at verið so fegin um tøkn­ina, at tey lótu hana taka yv­ir­hond. Tað var tað sum hendi, tá skipanin ikki megnaði at taka í­móti øllum teimum 350 eldhugaðu næm­ing­unum, sum høvdu sett set til rætt­is við telduna hendan morg­un­in.
Sambært formanninum í Føroya Lærarafelag, so hava tey mist álit á Mentamálaráðið, eins og trúvirði hjá hesum hægsta skúlamyndugleika er farið. Men trúvirði og álit kann endurbyggjast, og tað ger Mentamálaráðið best við at fáa skil á hesum landsroyndunum, soleiðis at øll tey 1.400 spentu børnini fáa avgreitt sínar landsroyndir í øllum góðum, talgilt ella ikki talgilt, so tey ikki dumpa – eins og Mentamálaráðið gjørdi...Tað var einki minni enn ein kat­a­strofa, at Mentamálaráðið mán­a­mor­g­unin avlýsti landsroyndirnar hjá teim­um 1.400 næmingunum, sum ganga í fjórða og sætta flokki kring landið. Tað var ikki virðiligt, at næm­ingar – sum fleiri av teimum fyri fyrstu ferð skuldu til nakað, ið lík­ist eini próvtøku, soleiðis skuldu hald­ast fyri gjøldur.
Tað er ikki tí, at tey í Ment­a­mála­ráð­num ikki vóru ávarað framm­an­und­an, tí tað vóru tey. Ella sum Elsa Bir­gitta Petersen, skúlastjóri í Hvalbiar skúla, sig­ur við blaðið í dag:
– Eg dugi ikki at skilja, at allar landsroyndirnar skuldu fara fram í tal­gild­um formi. Tí tá skipanin bleiv roynd­ar­koyrd fleiri ferðir áðu­r, rigg­aði hon ongantíð soleiðis, sum hon átti. Lærarafelagið vísti á, at man átti at bíða við at hava all­ar lands­royn­di­rnar í talgildum formi, men tað bleiv ikki lurtað eftir, og tí haldi eg, at fleiri lærarar nú onk­urs­vegna hava hug at flenna eftir Ment­a­málaráðnum, sigur Elsa Bir­gitta Petersen, sum er skúlastjóri í Hval­biar Skúla.
Tað er ikki gott, at næmingar og lær­arar soleiðis verða hildin fyri gjøld­ur, og tað er als ikki gott, at fleiri lærarar hava huga at flenna eft­ir Mentamálaráðnum.
Her áttu ábyrgdarpersónar at hava stungið fingurin í jørðina og steðga, meðan tíð var. Tað var ikki neyð­ugt at útseta næmingarnar fyri slíkum ábyrgdarloysi úr hægsta skúl­a­stað í landinum.
Tað er einki at ivast í, at tað er gott við talgildum próvtøkutilfari. Tað lætt­ir nógv um í skúlaskipanini – og tað lættir eisini um hjá næm­ing­um at kunna síggja úrslitið bein­an­vegin. Men her átti Ment­a­mál­a­ráðið ikki at verið so fegin um tøkn­ina, at tey lótu hana taka yv­ir­hond. Tað var tað sum hendi, tá skipanin ikki megnaði at taka í­móti øllum teimum 350 eldhugaðu næm­ing­unum, sum høvdu sett set til rætt­is við telduna hendan morg­un­in.
Sambært formanninum í Føroya Lærarafelag, so hava tey mist álit á Mentamálaráðið, eins og trúvirði hjá hesum hægsta skúlamyndugleika er farið. Men trúvirði og álit kann endurbyggjast, og tað ger Mentamálaráðið best við at fáa skil á hesum landsroyndunum, soleiðis at øll tey 1.400 spentu børnini fáa avgreitt sínar landsroyndir í øllum góðum, talgilt ella ikki talgilt, so tey ikki dumpa – eins og Mentamálaráðið gjørdi...