Ukraina hevur aftur í nátt lopið á russiska býin, Belgorod, við dronum.
Tað sigur guvernørurin í regiónini sambært tíðindastovuni NTB í morgun.
- Fýra dronur, sum vóru ávegis móti býnum, eru oyðilagdar, leggur guvernørurin aftrat.
Í gjár segði verjumálaráðið í Russlandi, at russiski herurin hevði skotið niður níggju ukrainskar dronur.
- Hesar vórðu eisini skotnar niður yvir Belgorod-regiónina, sum hevur mark til Ukraina.
Seinastu tíðina hevur Russland eisini hert álopini á Ukraina og á undirstøðukervið í landinum.
