Tað tók sína tíð, men at enda eydnaðist tað favorittunum í NSÍ at vinna 2-0 á heimavølli ímóti 07 Vestur.
Fyrra málið skoraði Jørgen Nielsen, sum 12 minuttir eftir steðgin avloysti Mórits Heina Mortensen. Tað restaði eitt korter, tá ið Jørgen Nielsen skoraði fyri aðru ferð í ár. Fyrra málið skoraði hann í áttanda umfari, tá ið NSÍ á heimavølli vann 3-0 ímóti TB.
Seinna málið skoraði Mikkel Elbæk Jakobsen, tá ið tað restaðu seks minuttir. Uppleggið átti Jacob Trenskow.
NSÍ var leikliga omaná, og tað vóru væl fleiri spentar støður og málmøguleikar í brotsteiginum hjá Silasi Eyðsteinsson og 07 Vestur, enn tað vóru frammanfyri Karstin Hansen, sum aftur í dag vardi NSÍ málið.
Úrslitið í dag ber við sær, at NSÍ nú hevur 41 stig. Tað er eitt stig fram til B36, sum á fjórða plássi hevur eitt sindur betri málmun, enn NSÍ hevur.
Spenningurin er stórur um, hvat av hesum liðunum fer at enda á fjórða plássi.
Í næstsíðsta umfari fer NSÍ at spæla á útivølli í Fuglafirði, og B36 fer at spæla á heimavølli ímóti Víkingi. Í síðsta umfari hittast NSÍ og B36 í Runavík.
07 Vestur eigur heimavøll ímóti HB, áðrenn 07 Vestur rundar av við TB á útivølli.
KÍ (FM) | 24 | 22 | 2 | 0 | 95 | 8 | 68 |
Víkingur | 25 | 18 | 5 | 2 | 58 | 24 | 59 |
HB | 24 | 16 | 4 | 4 | 78 | 21 | 52 |
B36 | 25 | 11 | 9 | 5 | 49 | 31 | 42 |
NSÍ | 25 | 12 | 5 | 8 | 47 | 36 | 41 |
07 Vestur | 25 | 7 | 4 | 14 | 31 | 68 | 25 |
EB/Streymur | 24 | 6 | 4 | 14 | 26 | 50 | 22 |
B68 | 25 | 5 | 4 | 16 | 26 | 65 | 19 |
ÍF | 25 | 4 | 4 | 17 | 24 | 63 | 16 |
TB | 24 | 0 | 3 | 21 | 15 | 83 | 3 |
Mikudagin 20. oktober
HB - KÍ
TB - EB/Streymur
Sunnudagin 24. oktober
KÍ - EB/Streymur
ÍF - NSÍ
B68 - TB
07 Vestur - HB
B36 - Víkingur