Nú er líkt til, at føroyskir útróðrarmenn fáa eitt felag, ið kann umboða áhugamálini hjá øllum útróðrarmonnum í bólki 5.
Suðurstreymoyar Útróðrarfelag hevur nevniliga á teirra aðalfundi samtykt, at felagið framyvir skal víðka virksemi, so at allir útróðrarmenn í bólki 5 í Føroyum kunnu gerast limir.
Avgerðin er tikin tí formaðurin, Mortan Johannesen, greiddi frá, at hann nærum dagliga verður uppringdur av útróðrarmonnum kring landið, ið harmast um støðuna hjá útróðrinum, og at eingin er, ið talar teirra søk.
