Cristiano Ronaldo skiftir til fyrrverandi felag sítt, Manchester United, frá italske Juventur.
Tað váttar enska fótbóltsfelagið á heimasíðu síni.
Í morgun frættist, at Cristiano Ronaldo vildi sleppa úr Juventus. Tað váttaði Massimiliano Allegri, høvuðsvenjari, á tíðindafundi í dag.
36 ára gamli Ronaldo vandi ikki í dag, og síðani hevur Allegri greitt opið frá um orsøkina.
– Í gjár segði Cristiano mær, at hann ikki longur ynskti at spæla fyri juventus. Tí er hann ikki við til dystin í morgin ímóti Empoli, sigur Allegri sambært Twitter-profilinum hjá Juventus.
Hesi trý árini hevur hann spælt 134 dystir og skotið 101 mál fyri Juventus. Síðsta kappingarár var hann toppskorari í Serie A við 29 málum.
Og nú eru tíðindini so váttað, at hann flytir til gamla felagið Manchester United.
##med2##
