Nú er avgjørt, at tað verður næsta leygardag, tann 26. novembur, at stóra jólatræið í miðbýnum í Havn,verður tendrað. Men í ár stendur jólatræið ikki á Tinghúsvøllinum sum tað plagdi og tað er tí at økið er byrgt av í sambandi við arbeiðið upp á Havnará. Ístaðin verður tað sett framman fyri trappuna til Ráðhúsið.
Jólatræið hevur ikki altíð staðið á vaglinum og sum tað sæst á myndunum niðanfyri, hevur tað onkuntíð staðið á við vegin uttan fyri Ráðhúsið.
Tað verður klokkan 15.30 næsta leygardag, at Jólatræið á Vaglinum verður tendra. Ann Hermansdóttir, prestur, og Heðin Mortensen, borgarstjóri, halda røður og Havnar Hornorkestur spælir.
Jólabýurin verður í ár settur upp á parkeringsplássinum frammanfyri Ráðhúsið og í sambandi við, at jólatræið verður tendrað, verða ymisk tiltøk í miðbýnum.
##med2##
##med3##
