Mikukvøldið skipar Norrøna Felagið í Føroyum fyri tiltaki, har bakgrundin fyri makrelstríðnum millum Føroyar og Noreg verður lýst.
Heitið á tiltakinum, sum verður mikukvøldið klokkan 19, er »Makrelur - eitt stríðsmál í Norðurhøvum«. Talan er um eitt kjak- og kunningarkvøld, har Jan Arge Jacobsen, fiskifrøðingur, og Andrass Kristiansen, deildarstjóri í Fiskimálaráðnum, fara at lýsa bakgrundina fyri, at samráðingarnar um býtið av makrelkvotuni er vorðið eitt stríðsmál millum londini í Norðurhøvum. Tiltakið er alment.
