Niðurlendski tjóðbankin hevur bjargað bankanum ING Niðurlendski bankin ING kunngjørdi í gjárkvøldið, at hann fær eyka gjaldføri frá tjóðbankanum. Avgerðin bleiv tikin, eftir at ING fríggjadagin boðaði frá, at hann misti 500 milliónir evrur í seinasta ársfjórðingi.
Í kunngerðini frá ING stóð, at niðurlendski fíggjarmálaráðharrin, Wouter Bos, og leiðslurnar í bankanum og tjóðbankanum skuldu leggja seinastu hond á avtaluna í gjárkvøldið.
Fyri nøkrum døgum síðani segði niðurlendski forsætisráðharrin, Jan Peter Balkenende, at stjórnin ætlaði sær tryggja lán, sum bankarnir lata hvør øðrum. Tilsamans bleiv talan um einar 200 milliardir evrur ella næstan 1.500 milliardir krónur, segði hann.
