Neistin-Stjørnan 26-24 (10-12) Stjørnan vinnur samanlagt 57-48:
Lagið á heimaliðnum var fínt, tá Neistin í gjár hevði spælt seinnu hálvfinaluna móti Stjørnuni.
Nakra veruliga vón um samlaðan sigur mundu tær bláu ikki hava eftir stórtapið í Klaksvík í fyrru hálvfinaluni, men hetta forðaði teimum ikki í at fara eftir sigrinum í gjár.
Tað gekk tó sera striltið, tí fyrstu 40 minuttirnar ella so var tað Stjørnan, sum hevði lítla munin í dystinum.
Um miðjan hálvleikin eydnaðist tó Neistanum at skora seks ferðir á rað, og hesum megnaði Stjørnan ikki at svara aftur.
Samanlagt kundi hetta tó ikki hótta tryggu leiðsluna hjá Stjørnuni, men dysturin prógvaði, at Neistin enn kann arga ovaru liðini í deildini.
Besti málskjútti hjá Neistanum var Trine Mayland, sum skoraði 7 mál. Durita Christophersen skeyt 8 av málunum hjá Stjørnuni.
