Heilsumyndugleikarnir í Kherson-regiónini í Ukraina, sum eru russaratrúgvir, vita í dag at siga, at næstovastin í regiónini hevur verið fyri einum álopi.
Russiska tíðindastovan Interfax sigur, at leiðarin, sum kallast Vitalij Buljuk, var í einum bili, tá álopið varð framt, og bilførarin hjá honum læt lív í spreingingini.
Sagt verður, at støðan hjá næstovastanum er stabil, og at skaðarnir eru "moderatir", sum tikið verður til.
Sambært upplýsingum var tað ein mina, sum brast, og bilurin er farin upp í royk. Einki verður sagt um, hvar bilurin var, tá spreingingin fór fram.
Eftir tilburðin varð Vitalij Buljuk fluttur á sjúkrahús.
Russisku herdeildirnar tóku seg úr regiónshøvuðsstaðnum Kherson í november, men russiskar deildir hava framvegis ræðið á stórum pørtum av regiónini.
