Ringa veðrið seinastu vikurnar hevur ført við sær, at tað ikki hevur verið eins nógv virksemi á Havsbrún í februar sum tað var í januar, men aftaná eina slakan byrjan upp á mánaðin, tykist nú at ganga betri.
Fríggjadagin landaði Finnur Fríði umleið 2550 tons av svartkjafti til virkið, og síðani tá hava tveir aðrir bátar hjá Varðanum landað.
Um vikuskiftið landaði nótaskipið Jupiter umleið 2250 tons av svartkjafti til Havsbrún, og í morgun byrjaði so Tróndur í Gøtu at landa umleið 2800 tons av svartkjafti til virkið.
