Nýggi landsliðsleikarin, Bárður Mortansson, úr B36 var so óheppin at bróta skinnabeinið undir venjing týskvøldi.
Tað var eitt hendiligt óhapp, sum hevur við sær, at Bárður Mortansson má binda frið í fýra vikur. Tað verður sagt, at brotið var reint, og tí skuldi kviki B36-leikarin kunna byrja venjingina aftur um góðan mánað.
Hetta má kennast svárt hjá kvika B36-leikaranum, sum júst var úttikin til venjingarleguna hjá landsliðnum í Spania.
Bárður stóð seg so mikið væl á B36-liðnum í fjør, at boð vóru eftir honum til landsliðsvenjing í januar. Landsliðsvenjingarnar mugu hava gingið væl, tí Bárður Mortansson var ímillum teir 20 leikararnar, Henrik Larsen ætlaði at hava við til Spania.
Óhepni B36-leikarin má sláa seg til tols við, at landsliðið í fyrstu atløgu má bíða
