Tað verður nógv betri javnstøða í býráðnum á Tvøroyri eftir kommunuvalið í dag.
Malla Dam er einasta kvinna í býráðnum, men í nýggja býráðnum eru tvær kvinnur valdar afturat, nevniliga Anita Vibergsdóttir á fólkaflokslistanum og Marjun Olsen á Kvinnulistanum.
Sostatt verða tríggjar kvinnur av teimum sjey býráðslimunum á Tvøroyri.
Annars fáa tvørafólk tríggjar nýggjar býráðslimir, Mallu Dam, Marjun Olsen og Anitu Vibergsdóttir.
Nývald eru áðurnevndu tvær kvinnur og Bjarni Hammer á Javnaðarlistanum.
Afturvald eru annars Kristin Michelsen, borgarstjóri, Jens Johannesen og Hallur í Heiðunum.
Bergur Bærendsen og Jaspur Vang stillaðu ikki upp aftur og Pauli Einarsson varð ikki afturvaldur.
Á myndini er Marjun Olsen, vm, og Malla Dam á einum valfundi, sum Valkyrjurnar skipaðu fyri í Vági nú ein dagin.
