Enska felagið Chelsea hevur sett ein fyrrverandi ísraelskan landsliðsvenjara sum ítróttarstjóra. Maðurin eitur Avraham Grant, og hann kemur úr Portsmouth, har hann hevur røkt líknandi uppgávu. Grant skal samstarva við venjaran Jose Mourinho, stjóran Peter Kenyon og talentsjefin Frank Arnesen um gera eina yvirornaða fótbóltspolitikk fyri felagið, sigur Chelsea í tíðindaskrivi.
