Klokkan 22:00 verður stóra Ólavsøkutiltakið hjá Miðlahúsinum – tónleikararnir eru klárir at fara á pallin, sum er á aðru hædd í Miðlahúsinum og vendir út móti Vágsbotni.
Marius Ziska og Danny & The Veetos hava framførslur, og teir eru til reiðar at spæla.
– Vit spæla bara kendar sangir, og fólk sleppa at spæla við, sigur Danny Baldursson, sangari í Danny & The Veetos.
Marius Ziska spælir fyri fyrstu ferð til hetta tiltakið, og hann gleðir seg at spæla nakrar av sínum kendu sangum.
Ólavsøkutiltakið hjá Miðlahúsinum byrjar kl. 22:00 og varðar ein tíma.
FM1 sendir beinleiðis frá tiltakinum.
