Í gjárkvøldið tjóvstartaði G! Festivalurin á tjaldingarplássinum og við fótbóltsdysti á stórskíggja, og í dag byrjar festivalurin av álvara.
Klokkan 17:15 verður fyrsta framførslan á ársins G! Festivali. Tað er Benjamin Rajani, sum fer at spæla á Spæliplássinum.
Stóra navnið í kvøld – og helst á G! Festivalinum sum heild hesaferð – er danska songkvinnan MØ, sum er kend um allan heimin. Hon spælir á sandinum í Syðrugøtu í kvøld kl 00:30.
Í dag ber eisini til at hoyra Bilderbuch, Konni Kass, Baskery og fleiri.
G! Festivalurin heldur fram fríggjdagin og leygardagin.
